स्थानीय विकास अधिकारीको भनाई

सेवावितरणलाई प्रभावकारी तुल्याई जनतालाई सुशासनको प्रल्याभुति दिलाउनु प्रत्येक स्थानीय निकायको प्रमुख दायित्व हो । सेवा दिने निकाय र सेवाग्राही वीचको दुरी घटाई सेवालाई जनताको नजिक कसरी पुर्‍याउन सकिन्छ भन्ने विषयमानै प्रत्येक राष्ट्रसेवकको ध्यान केन्द्रित हुनु पर्दछ भन्ने मलाई लाग्दछ । जिल्ला विकास समिति प्रतिनिधिमुलक संस्था हो । जनताका हरेक समस्याहरु यहाँ प्रतिबिम्बित हुने गर्दछन् । » विष्तृत

समुद्री सतहदेखि १००-१२१९ मीटर उचाई रहेको रुपन्देही नेपाल अधिराज्यको पश्चिम तर्राईमा पर्ने एक महत्वपूर्ण जिल्ला हो । कूल क्षेत्रफल १३६० वर्ग किलोमिटर रहेको यस जिल्लालाई पूर्वमा नवलपरासी, पश्चिममा कपिलवस्तु, उत्तरमा पाल्पा र दक्षिणमा भारतको उत्तर प्रदेशले घेरेको छ । तिनाऊ, रोहिणी, दानव, कोठी, महाव, कञ्चन, बघेला, डण्डा र कोइलीझाङ्ग यस जिल्लामा बग्ने प्रमुख नदीहरु हुन् ।

एशियाका तारा, मानवता र विश्वशान्तिका प्रतीक भगवान गौतमबुद्धको जन्मस्थान लुम्विनी रहेको यो जिल्ला विश्वमै परिचित छ । बुद्ध धर्मावलम्वीहरुका लागि पवित्र तिर्थस्थलको रुपमा रहेको रुपन्देही जिल्ला प्राचीन सभ्यता एवं धार्मिक, सास्कृतिक, ऐतिहासिक पूरातात्विक हिसावले पनि महत्वपूर्ण मानिन्छ । देवदह लगायत बुद्धसँग सम्वन्धित अन्य कयौँ ऐतिहासिक क्षेत्रहरु रहेको यो जिल्ला औद्योगिक एवं ब्यापारिक केन्द्रको रुपमा पनि परिचित छ ।